Stuðningsmenn Liverpool eru vægast sagt ósáttir með félagið sitt í dag, og þá ákvörðun að félagið ætlar að láta ríkið greiða stærstan hluta af launum starfsmanna. Ástæðan er kórónuveiran og útgöngubann sem ríkir á Englandi.
Liverpool hefur ákveðið að allt starfsfólk fyrir utan leikmenn fari í leyfi, þannig fær starfsfólkið 80 prósent af laununum sínum frá ríkinu. Liverpool borgar svo hin 20 prósentin.
Stuðningsmenn Liverpool eru ósáttir með félagið að nýta sér þetta, enda er þetta úrræði fyrir fyrirtæki í neyð. Liverpool hagnaðist um rúmar 40 milljónir punda á síðasta ári.
Bournemouth, Newcastle, Norwich og Tottenham hafa nýtt sér þetta úrræði en það eru eigendur Liverpool, sem tóku ákvörðun um þetta.
Jamie Carragher, fyrrum leikmaður félagsins er einn af þeim sem er ósáttir. ,,Jurgen Klopp gerði vel í upphafi veirunnar og sýndi öllum samúð. Leikmenn taka á sig launalækkun. Svo kemur þeta og öll virðing og samúð fer út um gluggann. Þetta er lélegt Liverpool,“ skrifar Carragher.
Fleiri háttsettir menn í enskum fótbolta hafa gagnrýnt félagið.