Jordan Henderson, fyrirliði Liverpool hefur verið í sambandi við alla fyrirliða í ensku úrvalsdeildinni. Hannv vill að félögin komi saman og safni fjármunum, til að berjast gegn kórónuveirunni.
Times fjallar um málið en uppi eru hugmyndir um að leikmenn allra liða láti hluta af launum sínum renna í styrktarsjóð.
Vegleg upphæð ætti að safnast, leikmenn Manchester United leggja sem dæmi um 1,4 milljarð til sjúkrahúsa í borginni. Þeir gefa 30 prósent af laununum sínum þangað þennan mánuðinn.
Henderson vill fá alla með í verkefnið svo deildin láti gott af sér leið á þessum erfiðu tímum.
Leikmenn í ensku úrvalsdeildinni þéna flestir ansi vel, upphæðin gæti því orðið ansi rausnarleg ef Henderson tekst vel til.