Jurgen Klopp, stjóri Liverpool, hefur opnað sig um hvað hann er að gera á meðan kórónaveiran gengur yfir.

Það er enginn fótbolti í gangi þessa dagana en leikmenn Liverpool og annarra liða hafa verið virkir á samskiptamiðlum.

James Milner og Alex Oxlade-Chamberlain hafa til að mynda birt skemmtileg myndbönd og hefur Klopp tekið eftir því.

,,Ég er ekki búinn að vera að klippa grasið (eins og Milner) en ég reyndi að dansa eins og Ox!“ sagði Klopp.

,,Það var ekki eins slæmt og þið haldið! Það er mikilvægt á þessum tímum að við tökum þessu alvarlega en við erum manneskjur.“

,,Eins og staðan er erum við heima hjá okkur og þegar þú ert þar þá geturðu ekki hjálpað þeim fyrir utan.“

,,Við vinnum ekki í heilsu fólks eða í matvörubúðum. Maður þarf að halda eigin skapi góðu og fyrir annað fólk. Ef strákarnir eru að gera eitthvað á Instagram og á meðan það er löglegt þá verð ég mjög ánægður.“

,,Ég hef persónulega verið að horfa á nokkrar myndir – ég horfði á Taken þríleikinn aftur, þannig er þetta. Þú gerir hluti sem þú ert ekki vanur að gera.“

Enski boltinn á 433 er í boði