Í dag hefði Ísland átti að leika í umspili um laust sæti á Evrópumótinu á Laugardalsvelli, Rúmenía átti að koma í heimsókn í undanúrslitum. Leiknum var hins vegar frestað eins og öllu öðru vegna kórónuveirunnar.

Leikurinn á nú að fara fram í byrjun júní en líklegra er að leiknum verði frestað aftur en búið er að færa Evrópumótið fram til ársins 2021.

Hermann Hreiðarsson, einn fremsti knattspyrnumaður í sögu Íslands segir að veiran hafi komið á ágætis tíma fyrir Ísland. Að mati Hermanns hefði fjarvera Jóhanns Berg Guðmundssonar verið erfiður biti fyrir Ísland að kyngja. Þetta kom fram í máli Hermanns í þættinum Sportið í kvöld á Stöð2 Sport í gær.

,,Var það ekki ágætt að fresta þessu, fyrst og fremst upp á Jóhann Berg,“ sagði Hermann en Jóhann sem leikur með Burnley á Englandi er meiddur og hefur mikið verið á sjúkrabekknum í vetur.

Hermann segir Jóhann vera með gæði sem enginn annar leikmaður íslenska

,,Mér hefur fundist hann vera lykilmaður síðustu ár, hann hefur eitthvað sem enginn annar hefur í liðinu. Hrikalega góður að hlaupa með boltann og bera upp liðið.“

,,Frábær knattspyrnumaður, mér finnst vanta mikið þegar að vantar Jóa. Ég er á því að þetta hafi hentað okkur frábærlega.“

Landsliðið á 433 er í boði