Það er Patrice Evra að þakka að Brandon Williams sé að spila fyrir aðallið Manchester United í dag.

Evra greinir sjálfur frá þessu en hann sá myndband af þessum 19 ára gamla strák í fyrra og ræddi um leið við Ole Gunnar Solskjær.

Williams hefur náð að festa sig í sessi á Old Trafford og hefur leikið 22 leiki í öllum keppnum.

,,Ég var að taka þjálfaragráðurnar hjá Manchester United og einhver sendi mér myndband af Brandon,“ sagði Evra.

,,Ég horfði á þetta og hugsaði ‘vá, þessi er með eitthhvað sem ég er mjög hrifinn af.’

,,Ég sá hann og hann var harður af sér og eftir æfingu þá fór ég og hitti Ole. Ég spurði hann hvort hann vissi af Brandon. Hann sagði að honum hafi verið sagt að hann væri góður.“

,,Ég bað hann um að treysta mér og að hann gæti spilað vinstri bakvörð. Ég grátbað hann um að gefa Brandon tækifæri.“