Chelsea hefur greint frá því að félagið hafi bæði bannað og hent út stuðningsmönnum Manchester United á mánudag, þeir voru að syngja níðsöngva um homma.

Fjörið var mikið í London í fyrrakvöld en það var United sem hafði betur að lokum með tveimur mörkum gegn engu. Bæði mörkin voru skallamörk en Anthony Martial gerði það fyrra í fyrri hálfleik og Harry Maguire það seinna, í seinni hálfleik. VAR var að venju í umræðunni yfir leik kvöldsins og voru allavegana tvö umdeild atvik í boði.

Eftir leik kom það svo fram að stuðningsmenn Manchester United væru sakaður um hommahatur

Sungið var um að stuðningsmenn Chelsea væru „rent boys“ en það er orð yfir karlhóru í Bretlandi. Reglulega kemur upp að stuðningsmenn Chelsea séu kallaðir þessu nafni.

Ástæðan fyrir því er að í kringum 1980, á einn þekktasta knattspyrnubulla Chelsea að hafa verið gómuð af lögreglu. Þegar lögreglan réðst inn á heimili hans er hann sagður hafa verið í miðjum klíðum, með karlhóru. Þá var Earls Court svæðið nálægt heimavelli Chelsea, þekkt fyrir að vera svæði þar sem karlhórur voru að selja sig.

Söngvar sem þessir eru ekki boðlegir að mati enska knattspyrnusambandsins og er málið komið á borð þeirra.

Enski boltinn á 433 er í boði