Mino Raiola, umboðsmaður Paul Pogba, hefur skotið fast á Ole Gunnar Solskjær, stjóra Manchester United.
Solskjær sagði það í dag að Pogba væri í eigu Manchester United en ekki umboðsmannsins.
Raiola talar reglulega um sinn skjólstæðing og á það til að gefa ýmsa hluti í skyn án þess að staðfesta neitt.
Hann sá nýjustu ummæli Solskjær og ákvað að svara fyrir sig fullum hálsi.
,,Paul er ekki mín eign og hann er svo sannarlega ekki eign Solskjær. Paul er í eigu Paul Pogba,“ sagði Raiola.
,,Þú getur ekki átt manneskju hvar sem er í heiminum. Ég vona að Solskjær sé ekki að gefa í skyn að Pogba sé fangi.“
,,Áður en Solskjær tjáir sig um það sem ég segi þá ætti hann að kynna sér samhengið betur.“
,,Ég er frjáls maður og má segja mína skoðun. Ég hef kannski verið of vinarlegur við hann hingað til.“
,,Solskjær ætti að muna eftir því sem hann sagði við Paul í sumar.“