Liverpool hefur látið Borussia Dortmund vita að félagið vilji kaupa Jadon Sancho frá félaginu í sumar. Þetta segja ensk götublöð í dag.
Dortmund er búið að ákveða að leyfa Sancho að fara í sumar og verður kaupverðið í kringum 120 milljónir punda.
Manchester United hefur mikinn áhuga á þessum enska landsliðsmanni og sömu sögu er að segja af Chelsea, Liverpool hefur einnig áhuga samkvæmt þessu.
Liverpool vonar að gott samband Jurgen Klopp við Dortmund geti hjálpað, Sancho er 19 ára gamall. Klopp starfaði hjá Dortmund í sjö ár.
Sancho er einnig góður vinur Trent Alexander-Arnold, Alex Oxlade-Chamberlain og Jordan Henderson. Auk þess lék hann með Rhian Brewster í yngri landsliðum Englands. Sagt er að þessir menn muni setja pressu á Sancho að velja Liverool.
Liverpool vonar að þetta hjálpi en Sancho kæmi til með að auka breiddina verulega í sóknarleik liðsins.