Paul Pogba miðjumaður Manchester United hefur náð sér af smávæilegum meiðslum sem héldu honum frá leik liðsins gegn West Brom um helgina.
Pogba fann fyrir meiðslum í ökkla og var ekki í leikmannahópi United í 1-0 sigrinum. Vonast er til að hann geti tekið þátt gegn Istanbul Basaksehir í Meistaradeildinni á morgun.
„Við vonumst til að Pogba geti spilað, við sjáum hvernig hann er á morgun,“ sagði Ole Gunnar Solskjær um málið en Pogba æfði með liðinu í dag.
Jesse Lingard er fjarverandi eftir að hafa verið í kringum einstaling sem greindist með COVID-19. „Shaw og Jones eru meiddir, Lingard er í sóttkví.“
United kemur sér í góða stöðu á morgun með sigri en liðið hefur unnið tvo og tapað einum í Meistaradeildinni til þessa.
Enski boltinn á 433 er í boði 
