Christian Eriksen hefur fengið leyfi til þess að fara frá Inter í janúar ef hann hefur áhuga á. Ekki er ár síðan frá því að danski miðjumaðurinn gekk í raðir Inter.
Eriksen vildi ólmur losna frá Tottenham og fékk ósk sína uppfyllta í janúar þegar Inter keypti hann frá félaginu.
Þessi 28 ára danski miðjumaður hefur hins vegar ekki fundið taktinn hjá Inter og virðist ekki vera í náðinni hjá Antonio COnte.
Beppe Marotta stjórnarformaður Inter hefur tjáð sig um málið og sagt að Eriksen geti farið óski hann eftir því.
Samkvæmt Corriere dello Sport er Manchester United að skoða þann kost að fá Eriksen, mögulega gæti hann fyllt skarð Paul Pogba sem virðist vilja fara frá United.