Kolbeinn Sigþórsson, leikmaður AIK, kom inn á sem varamaður á 64. mínútu í 0-2 tapi gegn Örebro í sænsku úrvalsdeildinni í dag.
Örebro komst yfir í leiknum á 39. mínútu, þegar Eric Kahl, leikmaður AIK, varð fyrir því óláni að skora sjálfsmark.
Deniz Hummet innsiglaði síðan 0-2 sigur Örebro með marki á 60. mínútu.
AIK er eftir leikinn í 9. sæti deildarinnar með 38 stig eftir 28 leiki.
AIK 0 – 2 Örebro
0-1 Eric Kahl (’39, sjálfsmark)
0-2 Deniz Hummet (’60)