Erik Hamren hefur opinberað sitt síðasta byrjunarlið Íslands sem þjálfari Íslands. Hann gerði það nú rétt í þessu. Liðið mætir Englandi klukkan 19:45 á Wembley.
Ögmundur Kristinsson fær tækifæri í byrjunarliðinu í markinu en margir áttu von á því að Hannes Þór Halldórsson stæði vaktina.
Hjörtur Hermansson kemur inn í fimm manna vörn og leikur með Kára Árnasyni og Sverri Inga Ingasyni í hjarta varnarinnar.
Albert Guðmundsson og Jón Daði Böðvarsson leika í fremstu víglínu líkt og gegn Dönum. Enginn af þeim fimm leikmönnum sem kom úr U21 árs liðinu í þetta verkefni byrjar.
Byrjunarlið Íslands:
Ögmundur Kristinsson
Birkir Már Sævarsson
Sverrir Ingi Ingason
Kári Árnason
Hjörtur Hermannsson
Ari Freyr Skúlason
Guðlaugur Victor Pálsson
Rúnar Már Sigurjónsson
Birkir Bjarnason
Albert Guðmundsson
Jón Daði Böðvarsson
