Manchester City hefur sent formlega kvörtun til Sky Sports vegna Roy Keane og hvernig hann talaði um Kyle Walker bakvörði félagsins á dögunum.
Keane var ómyrkur í máli þegar Walker gaf vítaspyrnu í 1-1 jafntefli við Liverpool fyrir rúmri víku síðan.
Sérfræðingar í setti hjá SkySports ræddu um vítaspyrnudóminn. Meðal sérfræðinganna var Keane, fyrrum leikmaður Manchester United. Stjórnandi útsendingarinnar spurði Roy Keane hvernig Mané hafi fengið vítaspyrnuna.
„Hann er að spila á móti hálfvita. Kyle Walker er 30 ára gamall, landsliðsmaður og hann heldur áfram að gera svona mistök aftur og aftur,“ var svar Roy Keane við spurningunni.
Forráðamenn City eru ekki ánægðir með að sérfræðingur leyfi sér að nota svona talsmáta.
Never change Roy Keane 😭😂😭😂😭pic.twitter.com/AZyeexL5Lk
— ¹¹ (@lfcOscar11) November 8, 2020
