Síðasta umferð sænsku deildarinnar fór fram í dag. Gautaborg hafði tryggt sé titilinn fyrir leikinn. Einnig höfðu Rosengard og Kristianstad tryggt sér sæti í meistaradeild evrópu á næsta ári.
Elísabet Gunnarsdóttir hefur þjálfað Kristianstad í fjölda ára og er þetta hennar besti árangur með liðið.
Kristianstad tók á móti Linköping. Leiknum lauk með 1-2 sigri Linköping. Svava Rós Guðmundsdóttir kom inn á fyrir Kristianstad á 83. mínútu. Sif Atladóttir er einnig leikmaður Kristianstad en hún hefur ekkert spilað á leiktíðinni. Kristianstad endaði í þriðja sæti deildarinnar.
Guðbjörg Gunnarsdóttir og Guðrún Arnardóttir spiluðu allan leikinn þegar Djurgården tók á móti Uppsala. Djurgården þurfti á sigri að halda til að tryggja sæti sitt í deildinni. Djurgården sigraði leikinn 2-0 og endaði í níunda sæti.
Uppsala eru þar með fallnar úr deildinni. Anna Rakel Pétursdóttir er á mála hjá Uppsala en hún var ekki í leikmannahópi liðsins í dag.
Glódís Perla Viggósdóttir spilaði allan leikinn þegar lið hennar Rosengård tapaði 0-1 fyrir Vaxjö. Rosengård endar í öðru sæti.
Djurgården 2 – 0 Uppsala
1-0 Rachel Bloznalis (4’)
2-0 Linda Motlhalo (79′)
Eskilstuna 0 – 1 Umeå
0-1 Eva Nyström (5‘)
Göteborg 3 – 1 Vittsjö
1-0 Stina Blackstenius (13‘)
2-0 Vilde Bøe Risa (32‘)
3-0 Stina Blackstenius (72′)
3-1 Markaskorara vantar (78′)(Sjálfsmark)
Kristianstad 1 – 2 Linköping
1-0 Hailie Mace (23‘)
1-1 Rachel Hill (49‘)
1-2 Rachel Hill (69‘)
Örebro 0 – 1 Piteå
0-1 Julia Karlenäs (36‘)
Rosengård 0 – 1 Vaxjö
0-1 Signe Andersen (38‘)(Víti)
