Stjórn KSÍ samþykkti á fundi sínum í dag, föstudaginn 30. október, að hætta keppni í Íslandsmótum og bikarkeppni KSÍ 2020, í samræmi við 5. grein í reglugerð um viðmiðanir og sértækar ráðstafanir vegna heimsfaraldurs kórónaveiru (Covid-19), sem samþykkt var og gefin júlí síðastliðnum. Ákvörðunin tekur strax gildi.
Valur er því Íslandsmeistari í karlaflokki og Breiðablik í kvennaflokki. FH, Breiðablik og Stjarnan fara í Evrópukeppni í karlaflokki en KR situr eftir með sárt ennið.
Valsmenn voru á æfingu þegar ákvörðunin um að blása allt af var tekinn í höfuðstöðvum KSÍ. Hannes Þór Halldórsson markvörður Vals fagnar því titlinum í fyrsta sinn með félaginu.
Hannes birti skemmtilega mynd af sér á Instagram þar sem hann setur upp grímuna til þess að fagna þeim stóra.
