Jose Mourinho þjálfari Tottenham var ekki sáttur með sitt lið eftir 1-0 tap gegn Antwerp í Evrópudeildinni.
Þetta var annar leikur liðsins í riðlakeppninni. Antwerp er nú með fullt hús stiga eftir tvo leiki. Tottenham er með þrjú stig eftir tvo leiki.
Þetta var fyrsta tap Mourinho í Evrópudeildinni síðan í nóvember 2016.
Mourinho birti mynd af sér í liðsrútunni á Instagram þar sem hann leiddi í ljós óánægju sína.
Við myndina skrifa hann: „Léleg frammistaða á skilið lélega niðurstöðu. Vonandi eru allir í rútunni jafn pirraðir og ég. Æfing í fyrramálið klukkan 11.“
View this post on Instagram