Steven Gerrard, fyrrum leikmaður Liverpool og núverandi þjálfari skoska liðsins Rangers, segir að markið sem leikmaður Rangers, Kemar Roofe, skoraði í vikunni sé það besta sem hann hefur séð á öllum sínum ferli.
Roofe skoraði markið í leik gegn belgíska liðinu Standard Liege í Evrópudeildinni. Roofe tók skot frá sínum eigin vallarhelmingi en skotið flaug yfir allan völlinn, yfir markmann Standard Liege og endaði í netinu.
„Ég er búinn að horfa á þetta 5 eða 6 sinnum eftir leikinn,“ sagði Gerrard sem vill meina að markið sé ekki síður frábært vegna aðdragandans.
„Hann tekur tvö menn frá boltanum með styrkleika sínum á erfiðum velli sem er í hræðilegu ástandi. Að hann skuli hafa séð tækifærið og þorað að taka skotið, það er snilldin ein. Þetta er örugglega besta mark sem ég hef séð með eigin augum og ég er búinn að vera í atvinnumennsku síðan 1998. Ótrúlegt skot og hann á allt hrósið skilið.“
Hér fyrir neðan má sjá markið sem um ræðir:
https://www.youtube.com/watch?v=0ncgQuNH-Pk