Það er byrjuð að myndast talsverð pressa á Ole Gunnar Solskjær stjóra Manchester United í starfi. Hann hefur verið í starfi síðan í desember árið 2018. Eftir ágætis spretti á síðustu leiktíð hefur United ekki byrjað vel í ár.
6-1 tap gegn Tottenham á heimavelli í síðustu umferð hefur sett af stað sögur um að Mauricip Pochettino gæti tekið við liðinu.
Ensk blöð hafa mikið skrifað um ósætti Ole Gunnar Solskjær og Bruno Fernandes, það er allt saman bölvuð lygi samkvæmt miðjumanninum frá Portúgal.
„Það sem hefur verið skrifað í þessu máli er hrein og klár lygi,“ sagði Fernandes.
„Fyrst var reynt að búa til sögur um að ég hefði rifist við liðsfélaga mína sem er rangt. Svo var farið í að skrifa um að ég hefði enga trú á Solskjær. Það er líka rangt.“
„Þetta eru bara skrif til þess að reyna að koma hópnum úr jafnvægi, ég fór af velli gegn Tottenham vegna þess að þetta var tapaður leikur og stjórinn vildi hvíla mig. Ég var ósáttur en svona er lífið.“
„Ég bið ykkur að um nota ekki mitt nafn eða nafn liðsfélaga minna, eða þjálfarans til að skaða Manchester United.“