Ísland háði hetjulega baráttu gegn besta landsliði í heimi á Laugardalsvelli í kvöld. Belgía vann 1-2 sigur á Íslandi í Þjóðadeildinni.
Undirbúningur Íslands fyrir leikinn var flókinn, sex lykilmenn voru meiddir eða yfirgáfu herbúðirnar eftir leikinn gegn Dönum á sunnudag.
Allt starfsliðs Íslands var svo sett í sóttkví í gær eftir að smit kom upp þar, liðið átti í vök að verjast framan af leik og Romelu Lukaku kom Belgum yfir með fínu marki eftir mistök í vörn Íslands.
Birkir Már Sævarsson jafnaði svo leikinn eftir frábær sendingu frá Rúnari Sigurjónssyni. Lukaku náði sér svo í vítaspyrnu þegar Hólmar Örn Eyjólfsson braut klaufalega af sér. Lukaku fór á punktinn og skoraði örugglega.
Staðan var 1-2 í hálfleik og þannig lauk leiknum. Fín frammistaða í Laugardalnum og eitthvað til að byggja á.
Einkunnir eru hér að neðan.
Byrjunarlið Íslands 3-5-2.
Rúnar Alex Rúnarsson – 6
Gat lítið gert í mörkunum
Birkir Már Sævarsson – 8 Maður leiksins
Fallegt mark og var ógnandi allan leikinn. Hættulegasti liðsmaður Íslands.
Hólmar Örn Eyjólfsson – 5
Mjög klauflaegt brot í vítaspyrnunni.
Sverrir Ingi Ingason – 7
Besti miðvörður Íslands í leiknum, enginn mistök og átti í fullu tréi við öfluga sóknarmenn Belga.
Hörður Björgvin Magnússon – 5
Gaf boltann á Lukaku í fyrsta markinu sem var klaufalegt, annað var í lagi
Ari Freyr Skúlason – 6
Fínasta frammistaða sem vænbakvörður, kom upp og sinnti varnarvinnu fínt.
Birkir Bjarnason – 6
Agaður á miðsvæðinu og sagði mönnum til verka með bandið.
Guðlaugur Victor Pálsson (´82) – 6
Slakasta frammistaða hans í þessu verkefni þó ágæt hafi verið, virkaði þreyttur.
Rúnar Már Sigurjónsson (´68) – 7
Geggjuð sending í markinu og gerði vel.
Albert Guðmundsson (´82) – 7
Sýndi klókindi að finna svæði milli varnar og miðju hjá Belgum en vantaði meiri hjálp.
Jón Daði Böðvarsson (´68) – 6
Duglegur en vantaði að koma sér á boltana sem komu fyrir markið.
Varamenn:
Jón Dagur Þorsteinsson (´68) – 6
Fín innkoma.
Viðar Örn Kjartansson (´68) – 5
Komst lítið í boltann