Geoffrey Castillion er líklega að semja við Persib Bandung í Indónesíu en hann er án félags.
Hollenski framherjinn var í eigu FH til áramóta en hann var á láni hjá Fylki síðasta sumar, og stóð sig með ágætum.
Castillion kom til Íslands sumarið 2017 og lék þá með Víkingi Reykjavík, hann fór þaðan til FH þar sem hann fann aldrei taktinn.
Castillion er stór og stæðilegur framherji sem ólst upp hjá Ajax en hann mætir til Jakarta í kvöld.
,,Hann hefur hæfileika, við skoðum hann en hingað til hefur samtalið verið gott og allt lítur vel út,“ sagði þjálfari Persib Bandung.
