Erling Haaland, nýr leikmaður Dortmund, hafði engan áhuga á að semja við Manchester United í janúar.
Frá þessu greinir umboðsmaður hans, Mino Raiola, en United sýndi Norðmanninum verulegan áhuga. Hann spilaði með RB Salzburg og gerði vel á síðasta ári.
,,Það félag sem var mest í beinu sambandi við mig var Manchester United,“ sagði Raiola.
,,Þeir ræddu við hann mest. Allir vildu fá að ræða við hann í persónu. Við leyfðum þvi að gerast, sérstaklega því hann þekkir Ole Gunnar Solskjær.“
,,Augljóslega þá fannst honum þetta ekki vera rétt skref. Ekkert gegn Manchester United eða Ole.“
,,Ef hann hefði viljað fara til United þá hefði ég þurft að fara með hann þangað en hann vildi það ekki.“