Sporting Lisbon hefur fulla trú á því að miðjumaðurinn Bruno Fernandes sé ekki á leið til Manchester United.
Frá þessu greinir Emanuel Ferro, aðstoðarþjálfari Sporting, en Fernandes er endalaust orðaður við enska félagið.
Þessi 25 ára gamli leikmaður ku hafa áhuga á að komast til Manchester en það er ekki hugmynd Sporting.
,,Það er mikið talað um að hann sé á förum. Ég tel að það sé skoðun fólks að utan frekar en okkar skoðun,“ sagði Ferro.
,,Við finnum ekki fyrir þessu. Við teljum ekki að Bruno sé að íhuga að fara. Hann er tilbúinn í slaginn.“