Manchester United er búið að taka tilboði Inter í bakvörðinn Ashley Young. Kaupverðið er 1,5 milljón evra.
Young hefur viljað fara til Inter, félagið hefur sótt fast eftir þvi að fá hann. Young var að verða samningslaus hjá United og var í aukahlutverki hjá United. Félagið kaus að selja hann frekar en að missa hann frítt.
Ensk blöð segja frá því í dag að Young hafi verið með læti til að komast til Inter. Hann hafi meðal annars strunsað af æfingu liðsins á föstudag.
Young fundaði með Solskjær síðasta fimmtudag til að segja honum frá því að hann vildi fara, á föstudag var svo æfing þar sem Young var pirraður. Á miðri æfingu ákvað hann að rjúka inn.
Sökum þess var Young ekki í hóp í sigri United á Norwich og fær nú loks að fara til Ítalíu.
Enski boltinn á 433 er í boði 
