Manchester United virðist þurfa að borga meira en 89 milljónir punda fyrir kantmanninn eftirsótta, Jadon Sancho, sem er á mála hjá þýska liðinu Borussia Dortmund.

The Sun greinir frá því að tilboði Man.Utd. í Sancho, sem hljóðar upp á 15 milljarða í íslenskum krónum, hafi verið hafnað. Þá segja miðlar á meginlandinu að Sancho vilji fara til Manchester United og að það sé „draumaliðið“ hans en Sancho spilaði áður í akademíunni hjá Manchester City. Sancho á ennþá 2 ár eftir af samningnum sínum við Dortmund.

Þá segir The Sun að United hafi fengið aukalega 60 milljónir punda fyrir að komast í Meistaradeildina en ekki Evrópudeildina. Sá peningur gæti því verið notaður í að nappa Sancho aftur til Englands.