Leikmaður Selfoss sem óttaðist að vera með kórónuveiruna er ekki með hana. Þetta staðfesti sýnataka hjá henni í dag.
433.is greindi frá því fyrst allra í dag að grunur væri um smit hjá leikmanni í kvennaliði Selfoss.
Smit kom upp í efstu deild kvenna í gær þegar einn leikmaður Breiðabliks greindist með veiruna. Fjöldi fólks er í sóttkví vegna þess.
Selfoss og Breiðablik áttust við 18 júní degi eftir að umræddur leikmaður Breiðabliks kom heim til landsins. Hún fór í próf fyrir veirunni á Keflavíkurflugvelli við heimkomu og ekkert smit greindist í henni. Hún fór í annað próf í gær og greindist með smit.
Umræddur leikmaður Selfoss hafði fundið fyrir einkennum sem líkjast kórónuveirunni og samkvæmt heimildarmanni er hún talsvert veik. Hún er hins vegar ekki með COVID-19.
