Öll félög nema tvö í Pepsi Max-deild karla hafa lækkað eða eru að lækka laun leikmanna og þjálfara. Kórónuveiran hefur haft áhrif á rekstur félaganna. 433.is hefur haft samband við öll félög

Aðeins Grótta sem borgar leikmönnum ekki laun og HK hafa ekki farið fram á  lækkun launa.  Stjarnan virðist ganga lengst og lækkar laun leikmanna um 30 prósent til áramóta. Fylkir lækkar laun leikmanna um 50 prósent í þrjá mánuði.

Af þeim félögum sem hafa ráðist í launalækkun er það Breiðablik sem lækkar laun minnst, leikmenn og þjálfarar meistaraflokks lækka í launum um 10 prósent til áramóta.

KR
Hafa endursamið við leikmenn og lækkað laun þeirra þannig.

Breiðablik
10 prósenta lækkun tók gildi næstu mánaðamót og gildir út árið

FH
Laun leikmanna FH lækka á bilinu 20-30 prósent fram að Íslandsmóti.

Stjarnan
Lækka laun leikmanna um 30 prósent út árið

KA
Á milli 20 og 25 prósenta lækkun fram til 1 nóvember.

Valur
Laun leikmanna lækka um 25 prósent í þrjá mánuði og 15 prósent út árið eftir það.

Víkingur R
Laun leikmanna Víkings hafa ekki verið lækkuð en vinna við það er í gangi.

Fylkir
Allir leikmenn Fylkis lækkuðu laun sín um 50 prósent í þrjá mánuði

HK
Leikmenn HK hafa ekki þurft að lækka laun sín.

ÍA
Leikmenn ÍA fengu helming launa sinna útborgað síðustu mánaðamót, vonast er til að hlutabótaleið ríkisins mæti afgangi. Óvíst er með næstu mánuði.

Grótta
Engir leikmaður félagsins er með föst laun.

Fjölnir
Viðræður og umræða fer fram um lækkun launa þessa dagana, Fjölnir býst við að klára málið í lok vikunnar.