Forráðamenn Tottenham eru ekki sáttir með Jose Mourinho, eftir að hann sást með leikmönnum félagsins á æfingu í gær. Mourinho hitti nokkra leikmenn félagsins í almenningsgarði og er það bannað, útgöngubann er á Englandi.
Mourinho hitti Davinson Sanchez, Ryan Sessegnon, Tanguy Ndombele í garðinum og lét þá æfa. Möguleiki er á því að Mourinho fái sekt fyrir þessa hegðun sína
,,Við höfum fundið fleiri fávita,“ sagði Piers Morgan, einn frægasti sjónvarpsmaður Bretlands á ITV í morgun. Honum er ekki skemmt.
,,Hvað ertu að hugsa Mourinho? Hvað eru þessir leikmenn að hugsa?.“ Tottenham er umdeilt nú þegar eftir að félagið setti starfsfólk sitt á bætur hjá ríkinu.“
,,Núna sjáum við svo leikmenn og þjálfara æfa saman, þessi æfing var ekki samþykkt af félaginu.“
Sadiq Khan, borgarstjóri í London er einnig ansi reiður. ,,Mitt vandamál er að þeir eiga að setja gott fordæmi, núna eru ungir stuðningsmenn Tottenham sem sjá þetta. Þeir hugsa, af hverju geta þeir eitthvað sem okkar er bannað.“
,,Þetta er svo mikilvægt, þess vegna er þetta viðtal tekið í gegnum Skype. Ég hef ekki farið af heimili mínu í þrjár vikur. Það er hægt að vinna að heiman.“
