,,Sannleikurinn er sá að ég man ekki hvernig það er skora mark eða skora kynlíf,“ sagði Gary Lineker, sjónvarpsmaður hjá BBC og fyrrum framherji enska landsliðsins.
Þegar Lineker var á hátindi ferilsins sagði hann það vera betra að skora mark í fótboltaleik en að stunda kynlíf. Orð hans urðu fræg og er hann reglulega spurður út í það.
Lineker hefur verið í tveimur hjónaböndum en er maður einsamall í dag. ,,Ég held að allir séu sammála því, að það að skora mark er alltaf betra.“
,,Það geta allir stundað kynlíf, það geta ekki allir skorað mikilvægt mark í fótboltaleik.“
Ian Wright var á sama máli, en þeir ræddu málið á BBC. ,,Ef ég hefði átt að velja á milli þess að skora aldrei eða aldrei stunda kynlíf, þá hefði ég valið að stunda aldrei kynlíf,“ sagði Wright.
Lineker segist hafa það gott í dag. ,,Ég hef það fínt einn, ég er einhleypur. Ég fer stundum á stefnumót en ég er lítið í því, ég þarf að passa mig hvert ég fer. Þú vilt ekki vera að hitta nýja manneskju og láta blöðin góma þig.“