Nani, fyrrum leikmaður Manchester United, ræddi við landa sinn Bruno Fernandes í byrjun árs.
Fernandes var þá orðaður við mörg lið í Evrópu en hann valdi á endanum United líkt og Nani.
Nani sagði Fernandes að forðast hitt liðið í Manchester og að ganga í raðir United.
,,Um leið og ég sá möguleikana í fréttunum þá sagði ég honum að velja ekki Manchester City,“ sagði Nani.
,,Ég sagði honum að velja ekkert annað lið en Manchester United. Tveimur mánuðum seinna þá fór hann til United og ég var svo ánægður því hann tók þá ákvörðun.“