Frank Lampard, stjóri Chelsea ætlar að hreinsa til hjá félaginu í sumar og losa sig við þá leikmenn sem hann telur ekki nógu góða.
Lampard er sagður ætla að selja Kepa Arrizabalaga, markvörð sem er nú á bekknum. Sömu sögu er að segja af Jorginho og framtíð Ross Barkley er í hættu.
Kurt Zouma, Willian og Pedro eru líklegir til þess að fara og sömu sögu er að sefja af Marcos Alonso og Emerson, tveir vinstri bakverðir sem Lampard er ekki sáttur með.
Lampard telur Chelsea þurfa á miklum breytingum að halda og sérstaklega eftir 3-0 skell gegn FC Bayern á þriðjudag.
Sagt er að Lampard vilji fá Jan Oblak til að fylla skarðið í markinu, þá er Ben Chilwell bakvörður Leicester ofarlega á lista. Líklegt er að Chelsea geri svo tilraun til þess að fá Jadon Sancho en Hakim Zieych kemur frá Ajax.