Franskir og spænskir miðlar greina frá því að Paris Saint-Germain sé með nokkur tilboð á borðinu í framherjann Kylian Mbappe.
Mbappe er einn heitasti leikmaður Evrópu í dag en hann er 21 árs gamall og raðar inn mörkum.
Samkvæmt þessum fregnum gæti Mbappe farið fyrir 100 milljónir punda þar sem samningur hans rennur út árið 2021.
PSG reynir allt til að framlengja við leikmanninn en hann hefur áhuga á að spila annars staðar í framtíðinni.
Real Madrid, Manchester United, Barcelona og Liverpool eru sögð hafa haft samband við franska stórliðið vegna Mbappe.
Real er talið líklegast til að fá Mbappe en það er draumur hans að spila þar einn daginn.