Pálmi Rafn Pálmason, leikmaður KR, var himinlifandi í kvöld eftir sigur á Val á Hlíðarenda.
Pálmi gerði eina mark leiksins í kvöld sem varð til þess að KR er Íslandsmeistari árið 2019.
,,Þetta gæti ekki verið betra. Við klárum þetta sjálfir. Fólk talar um einhverja spennu sem er sætt en við vorum allan tímann að fara að klára þetta,“ sagði Pálmi.
,,Við höfum verið flottir í sumar og erum búnir að vera með þokkalegt forskot í góðan tíma. Ég held að áhorfendunum finnist ekkert leiðinlegt að klára þetta hérna.“
,,Þetta er er fokking verkið sem ég vildi klára. Það er kominn tím til. Ég fékk að heyra það frá KR-ingum nokkrum að ég skuldaði og það var alveg rétt. Ég held að ég sé búinn að borga eitthvað til baka.“