ÍA og Grindavík áttu að eigast við í Pepsi Max-deild karla í dag en honum hefur nú verið frestað.
Þetta kom fram í tilkynningu í hádeginu en leikurinn er spilaður í 20. umferð sumarsins.
Veðrið á Akranesi er ekki gott um þessar mundir og hefur því verið ákveðið að færa leikinn.
Hann mun fara fram á Norðurálsvelli klukkan 17:00 á morgun, mánudag.
Annar leikur er á dagskrá í dag en viðureign KA og Fylkis fer fram klukkan 16:45.