Það vakti athygli þegar Anton Ari Einarsson var ekki valinn í leikmannahóp Vals gegn Stjörnunni í gær.

Það var staðfest á dögunum að Anton væri búinn að skrifa undir hjá Blikum og fer þangað eftir sumarið.

Eftir að þau skipti voru tilkynnt þá ákvað Ólafur Jóhannesson að taka Anton úr hóp og fékk hann ekki að vera á bekknum.

Þessi ákvörðun var rædd í hlaðvarpsþættinum Sóknin í dag og segir Hrafn Norðdahl að hún hafi verið skiljanleg.

,,100 prósent þar sem þriðji markvörðurinn þeirra er ekki einhver 2. flokks markmaður á yngra ári, þeir eru með Sveinn Sigurð sem hefur spilað með Stjörnunni, sæmilegan varamarkmann,“ sagði Hrafn.

,,Það er ekkert stress ef hann þyrfti að koma inná í einhverjar 10 mínútur, hann veit alveg hvað hann er að gera. Það var eðlilegt þegar þeir eiga hann sem þriðja markmann.“

Pepsi Max deildin á 433 er í boði