David Beckham er að klára að gera og græja áður en lið hans Inter Miami hefur leik í MLS deildinni.
Liðið hefur leik á næsta ári en félagið mun fyrst um sinn leika á öðru svæði en heimavöllur félagsins á að vera á.
Nú er hins vegar komið upp vandamál við byggingu á heimavellinum. Búið var að finna svæði þar sem hann átti að vera.
Búist var við að uppbygging á svæðinu hæfist á næstunni eftir að allar teikningar voru samþykktar.
Það var hins vegar ákveðið að gera umhverfisrannsókn á svæðinu, þar kom í ljós að arsenikið í jarðvegi var of mikið. Um var að ræða tvöfalt meira magn en leyfilegt er.
Ástæðan er sú að þarna var áður ruslahaugur og því hefur mikið að eiturefnum verið sett í jarðveginn. Búið er að loka golfvelli sem er á svipuðu svæði vegna málsins.