Kórdrengir í 3 deild karla í fótbolta, hafa í dag hrint af stað styrktarverkefni til styrktar #fyrirfanney málefninu. Myllumerkið #fyrirfanney vísar til baráttu Fanneyjar Eiríksdóttur, sem er 32 ára og greindist með krabbamein þegar hún var gengin 20 vikur með sitt seinna barn fyrir tæpu ári síðan.

Hún hefur undirgengst fjölda meðferða á þessum stutta tíma og hefur nú verið lögð inn á líknardeildina í Kópavogi en er þó hvergi hætt að berjast.

Til styrktar þessarar sterku konu og fjölskyldu hennar hafa Kórdrengir látið sérútbúa boli sem nú eru til sölu og rennur allur ágóði sölunnar til fjölskyldunnar. Bolirnir kosta litlar 2.500 krónur og fást í öllum stærðum, frá XS – 2XL, í bæði hvítu og svörtu og eru þeir merktir Kórdrengjum og #fyrirfanney. Hvetjum við að sjálfsögðu alla til að verða sér úti um einn bol eða fleiri til þess að styrkja Fanney og fjölskyldu á þessum erfiðu tímum.

Í samráði við styrktaraðila Kórdrengja þá verður hægt að nálgast bolina á Prikinu á Laugavegi (frá og með núna) og bílasölunni Diesel við Klettháls 15 (frá og með mánudeginum). Einnig er hægt að leggja í lið og borga inn á styrktareikning Kórdrengja sem að sjálfsögðu rennur til styrktar #fyrirfanney.

Kennitala: 510419-1030
Styrktarreikningur: 0133-15-200223

Kórdrengir gerðu í samstarfi við Reyni snappara, myndband sem vekur athygli ykkar á málefninu.