Erik Hamren, gerir tvær breytingar á liði sínu fyrir leikinn gegn Tyrklandi í kvöld. Viðar Örn Kjartansson og Rúnar Már Sigurjónsson taka sér sæti á bekknum.
Aftur eru Birkir Már Sævarsson og Rúrik Gíslason utan hóps en Hamren valdi 25 menn í hópinn vegna meiðsla sem voru að hrjá menn. Það er í raun athyglisvert en fyrir rúmu ári síðan byrjuðu Birkir og Rúrik, á hægri væng Íslands gegn Nígeríu á HM.
Smelltu hér til að sjá byrjunarliðið
Jón Daði Böðvarsson og Emil Hallfreðsson koma inn í byrjunarliðið, með komu Emils inn í liðið færist Birkir Bjarnason út á kantinn.
Jón Daði kemur inn sem fremsti maður en hann var ónotaður varamaður gegn Albaníu. Kolbeinn Sigþórsson er ekki klár í að byrja leik.