Jose Mourinho, fyrrum stjóri Manchester United er duglegur að ræða tíma sinn hjá félaginu, þessa stundina.
Mourinho var rekinn úr starfi í desember, þá tók Ole Gunnar Solskjær við og hann lét Mourinho líta illa út, til að byrja með. United vann alla leiki og spilaði vel, siðan fór að halla undan fæti og liðið varð jafnvel verra en það var undir stjórn Mourinho.
,,Leikmenn geta orðið þreyttir þegar þú biður þá um mikið,“ sagði Mourinho.
,,Ég sagði að árangur okkar á öðru tímabili hafi verið frábær, ég sagði það því við náðum að gera allt með þá hæfileika sem við höfðum. Ég kreisti allt úr leikmönnum, eins og appelsínu. Þegar þú ert með alvöru atvinnumenn, sem hafa metnað, leggja mikið á sig og eru með hæfileika. Þá kemur ekki svona þreyta.“
,,Þegar þú ferð þína leið, og hefur ekki stuðning félagsins. Leikmenn fara gegn þér, hvað er þá í gangi?.“
,,Ég vil ekki vera þessi ljúfi maður, því ljúfi maðurinn, eftir þrjá mánuði, er hvolpur. Það endar aldrei vel,“ sagði Mourinho og virtist skjóta á Solskjær.