Gary Martin, leikmaður Vals, er ekki á förum frá félaginu þrátt fyrir að félagið vilji losna við hann.

Þetta staðfesti Gary í samtali við Hauk Harðarson, íþróttafréttamann RÚV í kvöld.

Ólafur Jóhannesson, þjálfari Vals, staðfesti það í dag í samtali við 433.is að Gary mætti finna sér nýtt félag fyrir lok félagaskiptagluggans.

Gary kom aðeins til Vals fyrir þetta tímabil og hefur skorað tvö mörk í fyrstu þremur leikjum liðsins.

Haukur ræddi við Gary eftir þessar fréttir en Englendingurinn staðfesti það að hann væri þó ekki að fara annað.

Félagaskiptaglugginn hér á landi lokar á miðvikudaginn og verður áhugavert að sjá hvort Gary verði áfram leikmaður Vals eða ekki.

Pepsi Max deildin á 433 er í boði