Það er ekkert leyndarmál að Alexis Sanchez, leikmaður Manchester United, hefur alls ekki staðist væntingar hjá félaginu.
Sanchez kom til United frá Arsenal á síðasta ári en hann hafði lengi verið einn besti leikmaður Lundúnarliðsins.
Sanchez hefur skorað fimm mörk í 45 deildarleikjum á Old Trafford og hefur einnig verið mikið meiddur.
Sílemaðurinn er launahæsti leikmaður ensku úrvalsdeildarinnar en United gerði allt til að tryggja hans þjónustu.
Það hefur þó alls ekki borgað sig og hefur Sanchez í raun fengið risalaun fyrir að gera afskaplega lítið.
Blaðamaðurinn Ronan Murphy líkir Sanchez við Lena Headey sem er leikkona í þáttunum vinsælu Game of Thrones.
Hún þénaði eina milljón dollara fyrir hvern þátt en gerði ekki mikið annað en að drekka vín og horfa út um gluggann.
Murphy talar þar um að Sanchez og Headey fái bæði borgað fyrir að gera afskaplega lítið.
TV’s Alexis Sanchez. https://t.co/2wc6zDUfcP
— Ronan Murphy (@swearimnotpaul) 13 May 2019
