Real Madrid þarf að losa mikla fjármuni til að komast í gegnum leyfiskerfi FIFA ef marka má fréttir á Spáni. Um er að ræða reglur er varðar fjárhag liða.
Sagt er að Real Madrid þurfi að selja leikmenn fyrir tæpar 170 milljónir punda í janúar og í sumar til að rétta bókhaldið við.
Real Madrid eyddi 300 milljónum punda í sumar í leikmenn þegar þeir Eden Hazard, Ferland Mendy, Luka Jovic, Eder Militao og Rodrygo komu í sumar.
Zinedine Zidane vill fá Paul Pogba til félagsins en þarf að selja hressilega til að byrja með, ef marka má fréttir á Spáni.
Real Madrid mætir Barcelona um næstu helgi í La Liga en sá leikur gæti haft stór áhrif á lokastöðu deildarinnar.