Ashley Cole, goðsögn Chelsea, vill sjá bakvörðinn Ben Chilwell semja við félagið á nýju ári.
Chilwell er gríðarlega miilvægur leikmaður í liði Leicester sem situr í öðru sæti ensku úrvalsdeildarinnar.
Mörg önnur lið eru orðuð við Chilwell sem er aðeins 22 ára gamall og er hluti af enska landsliðinu.
,,Ég myndi elska það að sjá hann í Chelsea. Hann er að standa sig gríðarlega vel hjá Leicester,“ sagði Cole.
,,Hann nýtur hvernig Brendan Rodgers er að spila með liðið og hann fær leyfi til þess að sækja.“
,,Þegar hann spilar með enska landsliðinu spilar hann vel – í síðasta leik lagði hann upp þrjú mörk. Hann er góður með boltann og getur varist einn á einn.“