Sergio Romero, leikmaður Manchester United, viðurkennir að staða hans hjá félaginu sé ekki auðvelt.
Romero fær ekki mikið að spila fyrir United en hann hefur verið varamarkvörður undanfarin fjögur ár.
,,Þetta er ekki auðvelt. Ég legg mig fram á hverjum degi til að fá að spila og er tilbúinn þegar það gerist,“ sagði Romero.
,,Undanfarin fjögur ár hef ég verið í erfiðri stöðu. Ég legg mig fram á hverjum degi og ef ég fæ tækifæri þá geri ég mitt besta.“
,,Ég vinn mína vinnu og er hjá besta félagi heims. Ég sagðist vilja spila fyrir United þegar ég var yngri og nú fékk ég tækifærið.“
Enski boltinn á 433 er í boði 
