Ef marka má ensk blöð í dag vill Ole Gunnar Solskjær, stjóri Manchester United reyna að styrkja lið sitt nú í janúar. Hópurinn er þunnskipaður á miðsvæðinu og í framlínunni.

Þannig er sagt að Ole Gunnar, setji mikla áherslu á það að United festi kaup á Erling Braut-Haaland, 19 ára framherja Red Bull Salzburg. Sá norski, hefur slegið í gegn í Austurríki.

Solskjær vill fá að vinna aftur mað Haaland en þeir unnu saman hjá Molde í Noregi, sagt er að Haaland sé með klásúlu upp á 17 milljónir punda. Ljóst er að öll stærstu félög Evrópu, munu reyna að nýta sér hana.

Þá er sagt að Solskjær vilji reyna að fá James Maddison, frá Leicester. Hann ólst upp við að styðja Manchester United. Leicester veit af áhuga United og reynir sökum þess að framlengja samning hans.

Maddison er enskur landsliðsmaður sem var hjá Norwich áður en hann gekk í raðir Leicester, þar sem hann hefur slegið í gegn.

Enski boltinn á 433 er í boði