Samkvæmt frétt Fótbolta.net, hefur Guðjón Þórðarson fyrrum landsliðsþjálfari Íslands fundað í Færeyjum um að taka við landsliðinu.
Guðjón sagði upp störfum hjá NSÍ Runavík eftir eitt ár í starfi, þar vakti Guðjón mikla athygli.
Guðjón hafði ekki fengið starf á Íslandi í mörg ár, þegar hann fór til Færeyja og hefur náð að sanna ágæti sitt, á nýjan leik.
Guðjón hefur starfað á Englandi og í Færeyjum en hann náði mögnuðum árangri á Íslandi með KR og ÍA, áður en hann hélt út.
Guðjón var svo landsliðsþjálfari Íslands frá 1997 til 1999 en Færeyjar ætlar að ráða nýjan landsliðsþjálfara í janúar.