Rúrik Gíslason átti að vera í landsliðshópi Íslands fyrir leikina gegn Tyrklandi og Moldóvu, í undankeppni EM.
Kantmaður Sandhausen hefur ekki veri í hópnum að undanförnu en gaf ekki kost á sér núna, ástæðurnar eru persónulegar. Erik Hamren ætlaði að velja hann í þetta verkefni, þar sem Ísland á veika von á EM sæti.
,,Rúrik átti að vera hérna í hópnum, hann gat ekki tekið þátt í þessu verkefni af persónulegum ástæðum,“ sagði Freyr Alexandersson, aðstoðarþjálfari við 433.is.
Freyr vildi ekki gefa nánari útskýringu á málinu, Jóhann Berg Guðmundsson er frá vegna meiðsla en Mikael Neville Anderson kemur inn sem kantmaður í hópinn.