Erik Hamren hefur valið landsliðshóp sinn fyrir komandi verkefni gegn Tyrklandi og Moldóvu í undankeppni EM.

Ísland á veika von á því að komast beint inn á EM. Með því þarf að vinna Tyrkland og Moldóvu, einnig þarf íslenska liðið að treysta á að Andorra taki stig gegn Tyrkjum, ólíklegt en mögulegt.

Jóhann Berg Guðmundsson og Aron Einar Gunnarsson eru fjarverandi vegna meiðsla en Mikael Neville Anderson, er í fyrsta sinn í hópnum. Kantmaðurinn hefur staðið sig vel með Midtjylland í Danmörku.

Þá er Aron Elís Þrándarson í hópnum en Birkir Már Sævarsson, leikmaður Vals missir aftur sæti sitt í hópnum. Emil Hallfreðsson missir svo sæti sitt en hann er án félags og hefur verið síðan í júní.

Kolbeinn Sigþórsson, framherji AIK og markahæsti leikmaður í sögu landsliðsins er á sínum stað. Hann var talsvert í fréttum í síðustu viku vegna handtöku í Stokkhólmi.

Íslenska liðið hittist í Tyrklandi á sunnudag og mætir heimamönnum á fimmtudag áður en haldið er yfir til Moldóvu þar sem leikurinn er á sunnudag.

Hér að neðan er hópurinn í heild.

Leikmaður – Lið – Leikir – Mörk

Markverðir
Hannes Þór Halldórsson Valur 65
Rúnar Alex Rúnarsson Dijon 5
Ögmundur Kristinsson AEL 15

Varnarmenn:
Jón Guðni Fjóluson Krasnodar 16 1
Sverrir Ingi Ingason PAOK 28 3
Hjörtur Hermannsson Bröndby 14 1
Kári Árnason Víkingur Reykjavík 80 6
Ragnar Sigurðsson Rostov 92 5
Hörður Björgvin Magnússon CSKA Moscow 26 2
Guðlaugur Victor Pálsson SV Darmstadt 98 13
Ari Freyr Skúlason KV Oostende 70
Samúel Kári Friðjónsson Viking 7

Miðjumenn:
Mikael Neville Anderson FC Midtjylland
Arnór Ingvi Traustason Malmö FF 32 5
Birkir Bjarnason Al-Arabi 82 12
Rúnar Már Sigurjónsson Astana 25 1
Aron Elís Þrándarson Aalesund 4
Arnór Sigurðsson CSKA Moscow 6 1
Gylfi Þór Sigurðsson Everton 72 21

Sóknarmenn:
Jón Daði Böðvarsson Millwall 46 3
Kolbeinn Sigþórsson AIK 54 26
Viðar Örn Kjartansson Rubin Kazan 23 3
Alfreð Finnbogason FC Augsburg 56 15