Fanndís Friðriksdóttir hefur skrifað undir nýjan samning við Val. Hún hefur verið lykilmaður í liði Vals síðan hún kom til félagsins sumarið 2018, leikið 30 leiki og skorað 11 mörk.

,,Eins og knattspyrnuáhugamenn vita er Fanndís gríðarlega reynslumikil og sigursæl og það er því mikið ánægjuefni að Valur fái að njóta krafta Fanndísar áfram,“ segir á Facebook síðu Vals.

Fanndís er 29 ára gömul en hún hefur mikla reynslu með A-landsliði kvenna, þar hefur hún verið lykilmaður um langt skeið.

Hún var lykilmaður í Íslandsmeistaraliði Vals í sumar undir stjórn Péturs Péturssonar.