Það fór fram algjörlega sturlaður leikur í Meistaradeild Evrópu í kvöld er Chelsea fékk Ajax í heimsókn.
Ajax spilaði glimrandi vel á köflum á Stamford Bridge og var með 3-1 forystu eftir fyrri hálfleikinn.
Chelsea byrjaði seinni hálfleik af krafti en Ajax gerði einnig fimmta mark leiksins og var staðan 4-1 á 54. mínútu.
Chelsea minnkaði svo muninn ekki löngu seinna áður en tveir leikmenn Ajax fengu rautt spjald og heimamenn vítaspyrnu.
Daley Blind fékk sitt annað gula spjald fyrir tæklingu og Joel Veltman sitt annað gula spjald fyrir hendi innan teigs.
Jorginho skoraði örugglega úr vítaspyrnunni en hann hafði áður gert fyrsta mark liðsins af punktinum.
Hinn ungi Reece James jafnaði svo metin fyrir Chelsea gegn níu mönnum Ajax með fínu skoti innan teigs.
Liverpool vann sinn leik gegn belgíska liðinu Genk en Georginio Wijnaldum og Alex Oxlade-Chamberlain skoruðu í 2-1 sigri.
Borussia Dortmund bauð einnig upp á frábæra endurkomu og vann 3-2 heimasigur á Inter Milan eftir að hafa lent 2-0 undir.
Hér má sjá öll úrslit kvöldsins.
Chelsea 4-4 Ajax
0-1 Tammy Abraham(sjálfsmark, 2′)
1-1 Jorginho(víti, 5′)
1-2 Quincy Promes(20′)
1-3 Kepa(sjálfsmark, 35′)
1-4 Donny van de Beek(55′)
2-4 Cesar Azpilicueta(63′)
3-4 Jorginho(víti, 71′)
4-4 Reece James(74′)
Liverpool 2-1 Genk
1-0 Georginio Wijnaldum(14′)
1-1 Mbwana Samata(41′)
2-1 Alex Oxlade-Chamberlain(53′)
Borussia Dortmund 3-2 Inter Milan
0-1 Lautaro Martinez(5′)
0-2 Matias Vecino(40′)
1-2 Achraf Hakimi(51′)
2-2 Julian Brandt(64′)
3-2 Achraf Hakimi(77′)
Napoli 1-1 Salzburg
0-1 Erling Haaland(11′)
1-1 Hirving Lozano(44′)
Valencia 4-1 Lille
0-1 Victor Osimhen(25′)
1-1 Dani Parejo(víti, 66′)
2-1 Boubakary Soumare(sjálfsmark, 82′)
3-1 Geoffrey Kondogbia(84′)
4-1 Ferran Torres(90′)
Lyon 3-1 Benfica
1-0 Joachim Andersen(4′)
2-0 Memphis Depay(33′)
2-1 Haris Seferovic(76′)
3-1 Bertrand Traore(89′)