Föstudagur 17.janúar 2020
433Sport

Albert og Þórir í Fram: Félagið ætlar sér stóra hluti

Hörður Snævar Jónsson
Fimmtudaginn 28. nóvember 2019 10:46

Ekki missa af Helstu tíðindum dagsins í pósthólfið þitt

Lesa nánar

Knattspyrnufélagið Fram gerði í vikunni samning við tvo sterka leikmenn sem hafa reynslu úr efstu deild. Þórir Guðjónsson sem leikið hefur með Breiðabliki undanfarin ár snýr aftur heim en hann lék með Fram upp alla yngri flokka. Auk Breiðabliks hefur Þórir spilað með Fjölni og Val í meistaraflokki. Hann á alls 147 leiki í meistaraflokki og í þeim hefur hann skorað 47 mörk. Þórir Guðjónsson er 28 ára og er samningur hans við Fram til tveggja ára.

„Ég er glaður að vera búinn að skrifa undir hjá Fram og hlakka til að takast á við nýjar áskoranir. Ég vil nýta tækifærið og þakka Breiðablik fyrir samstarfið og óska þeim góðs gengis næsta sumar. Mér finnst heillandi að snúa aftur til uppeldisfélagsins og hjálpa til við að koma félaginu á þann stað sem það á að vera. Nonni þjálfaði mig í 2. flokki á sínum tíma og ég er spenntur að vinna aftur með honum. Mér líst vel á liðið. Ég þekki nokkur andlit í hópnum en svo eru þarna líka ungir og efnilegir strákar sem ég hlakka til að spila með,“ sagði Þórir

Albert Hafsteinsson er 23 ára miðjumaður sem kom við sögu í 15 leikjum með ÍA í Pepsi Max deildinni í sumar. Albert hefur leikið 101 meistarflokks leik með skagaliðinu og býr yfir gæðum sem munu nýtast Fram vel á komandi árum. Samningur Alberts er til þriggja ára. „Ég er mjög ánægður með að vera kominn í Fram. Fram er félag með mikla sögu og það eru mjög jákvæðir og skemmtilegir hlutir í kringum klúbbinn núna og mikil uppbygging, bæði innan vallar sem utan. Það er frábært tækifæri fyrir mig að fá að taka þátt í því. Þjálfararnir eru reynslumiklir og vilja spila skemmtilegan fótbolta og vonandi nýtast mínir styrkleikar vel í þá hugmyndafræði. Ég þekki nokkra í leikmannahópnum og hópurinn er á góðum aldri. Ég tel að þetta sé rétt skref á þessum tímapunkti á mínum ferli.“

Fyrr í haust samdi Fram við þrjá sterka leikmenn þá Ólaf Íshólm Ólafsson markvörð, sóknarmanninn Alexander Má Þorláksson og varnarmanninn Gunnar Gunnarsson en allir koma þeir með gæði og reynslu inn í hópinn.

Pepsi Max deildin á 433 er í boði
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 8 klukkutímum

Klopp gefur viku frí í stað þess að fara með liðið í æfingaferð

Klopp gefur viku frí í stað þess að fara með liðið í æfingaferð
433Sport
Fyrir 8 klukkutímum

Rashford ætlar að spila í gegnum sársaukann á Anfield

Rashford ætlar að spila í gegnum sársaukann á Anfield
433Sport
Fyrir 11 klukkutímum

Höddi Magg hissa yfir ákvörðun í Hafnarfirði: Segir Hauka hafa farið á hausinn – „Blóðugir upp fyrir haus í 2 eða 3 ár“

Höddi Magg hissa yfir ákvörðun í Hafnarfirði: Segir Hauka hafa farið á hausinn – „Blóðugir upp fyrir haus í 2 eða 3 ár“
433Sport
Fyrir 12 klukkutímum

Seðill vikunnar: Sérfræðingur velur táknin fyrir þig – Svakalegar upphæðir

Seðill vikunnar: Sérfræðingur velur táknin fyrir þig – Svakalegar upphæðir
433Sport
Fyrir 23 klukkutímum

Birkir verður liðsfélagi Balotelli: Læknisskoðun á morgun

Birkir verður liðsfélagi Balotelli: Læknisskoðun á morgun
433Sport
Fyrir 23 klukkutímum

Tekjuhæstu knattspyrnufélög í heimi: United áfram í sérflokki á Englandi

Tekjuhæstu knattspyrnufélög í heimi: United áfram í sérflokki á Englandi